I ftuar në “Ditari” në Tëvë 1, Azemi theksoi se institucionet relevante të Kosovës shpeshherë dalin me një shifër qesharake lidhur me pagën minimale.
“Përderisa ne si Sindikatë i ofrojmë institucioneve relevante që kur bisedohet për pagën minimale ia jep shpenzimet minimale të jetës, dhe ata institucionet tona, shpeshherë dalin me një shifër qesharake, me një pagë prej 264 euro, çka jam shumë i bindur që akterët që vijnë deri të përfundimi i pagës minimale, ata nuk e dijnë çka është me ju mungu gjërat minimale në shtëpi, por ata mendojnë, siç patë thënë njëherë, kërkoj falje, Xhavit Haliti, të gjithë i kemi te shtëpia kah 1 milion ose 2 milion. Vetë fakti që këta njerëz përcaktojnë pagën minimale, ata nuk e dijnë çfarë gjendje kanë punëtorët e sektorit privat të Kosovës”, tha ai.
Ai shtoi se Kosova nuk është duke krijuar kushte të qëndrueshmërisë që punëtorët të ruhen e mos ta lëshojnë vendin.
Azemi potencoi se rreziku që është sot nga mungesa e punëtorëve në sektorin privat është e njëjtë me atë të viteve 1998/1999.
“Rreziku që kemi sot nga mungesa e punëtorëve në sektor privat, këtë rrezik e kemi pasur vetëm në vitet 90/99, sepse atëherë njerëzit kanë dalë, kanë ik nga brutaliteti, kanë ik për krijimin e një familjeje më të mirë, por kanë pasur një qëllim që të kthehen në një moment kur të kthehen kushtet për të punuar…por tani të gjithë ata punëtorë që dalin jashtë e kanë humbur vizionin, me të drejtë e kanë humbur vullnetin se nesër ose pasnesër do të bëhet diçka mirë dhe të kthehet mbrapa”, shtoi ai. /Teve1.info/