Të paktën 60 palestinezë, përfshirë ish të burgosur, janë arrestuar në bastisjet e forcave izraelite në Bregun Perëndimor të pushtuar, gjatë natës dhe mëngjesin e sotëm.
Në një deklaratë, Shoqata e të Burgosurve Palestinez tha se disa nga arrestimet ishin përqendruar në kampin e refugjatëve Dheisheh në Betlehem, ndërsa pjesa tjetër u shpërnda në Bregun Perëndimor të pushtuar.
Disa nga të arrestuarit u liruan më vonë, raporton Aljazeera.
Që nga 7 tetori, më shumë se 3 mijë e 540 palestinezë janë arrestuar në Bregun Perëndimor të pushtuar.
Nga bastisjet që u zhvilluan nëpër territoret e pushtuara mbrëmë, duke përfshirë në Qalqilya, mbetën të vrarë dy palestinezë.
