Dy të dyshuarit për vrasjen e Liridona Murselit janë mbrojtur në heshtje.
Kështu ka bërë të ditur avokati, Skënder Gojani mbrojtës i të dyshuarit Granit Plava si dhe avokati tjetër, Ahmet Gjinovci, mbrojtës i Kushtrim Kokallës, raporton teve1.info.
Ndërsa, nuk është bërë i ditur ende deklarimi i Naim Murselit, bashkëshortit të Lirodonës, i cili po ashtu dyshohet për vrasjen e saj.
Seanca dëgjimore është mbajtur në Gjykatën Themelore në Prishtinë, ndërsa gjykata tash pritet të marrë vendimin për caktimin e masës së paraburgimit ndaj tre të dyshuarve.
Ndryshe, Liridona Murseli, 30-vjeçare, është vrarë të mërkurën, më 29 nëntor, në rrugën “Dalip Alshiqi” në Prishtinë./teve1.info