Kuvendi i Kosovës të enjten nuk pasur kuorum për shqyrtimin dhe miratimin e disa marrëveshjeve ndërkombëtare.
Kryetari i Kuvendit të Kosovës, Glauk Konjufca tha se në mungesë të deputetëve nuk ka kushte për diskutimin e tyre dhe seancën e ka vazhduar me pikat e tjera të rendit të ditës, përcjell teve1.info
Disa marrëveshje ndërkombëtare janë votuar javë më parë pas shumë vonesave për shkak të votave jo të mjaftueshme.
Marrëveshjet ndërkombëtare që kanë qenë në rend dite të enjten:
Votimi i Projektligjit nr.08/L-234 për ratifikimin e Marrëveshjes së kredisë për programin e financave publike dhe rritjes ekonomike ndërmjet Republikës së Kosovës dhe Fondit OPEC për Zhvillim Ndërkombëtar,
Votimi i Projektligjit nr.08/L-236 për ratifikimin e Traktatit ndërmjet Republikës së Kosovës dhe Mbretërisë së Danimarkës për shfrytëzimin e institucionit korrektues në Gjilan me qëllim të ekzekutimit të dënimeve daneze,
Votimi i Projektligjit nr.08/L-253 për Aderimin e Republikës së Kosovës në Konventën për Importin e Përkohshëm,
Votimi i Projektligjit nr.08/L-254 për ratifikimin e Marrëveshjes ndërkombëtare ndërmjet Kosovës nga njëra anë dhe Bashkimit Evropian nga ana tjetër për pjesëmarrjen e Kosovës në Programin e bashkimit programi i tregut të vetëm,
Votimi i Projektligjit nr. 08/L-259 për Ratifikimin e Marrëveshjes së Financimit ndërmjet Republikës së Kosovës, e përfaqësuar nga Ministria e Financave, Punës dhe Transfereve, dhe Asociacionit Ndërkombëtar për Zhvillim për projektin “Projekti për forcimin e qeverisjes digjitale për ofrimin e shërbimeve”
