Dy persona kanë mbetur të lënduar si pasojë e një aksidenti në rrugën Mitrovicë-Prishtinë, përkatësisht në fshatin Maxhunaj.
Lajmin për teve1.info, e ka bërë të ditur, zëdhënësi i Policisë Rajonale, Avni Zaiti.
Njëherit, Zaiti ka njoftuar se në aksident janë përfshirë një kamion dhe një veturë.
“Aksident trafiku me lëndime, i ndodhur sot rreth orës 14:00 në rrugën nacionale Mitrovicë- Prishtinë, përkatësisht në segmentin rrugorë në Maxhunaj, në aksident janë përfshirë një kamion dhe një veturë, si pasojë e aksidentit dy (2) persona kanë pësuar lëndime”, ka thënë Zaiti.
Në disa raportime dyshohet se vetura e aksidentuar është e KFOR-it, mirëpo ende nuk ka një konfirmim të tillë. /teve1.info/.
