Presidenti i Shqipërisë, Bajram Begaj u ka uruar të gjithë shqiptarëve 28 nëntorin.
Në një postim në Facebook, Begaj ka thënë se Dita e Flamurit është festa më e bukur e shqiptarëisë, raporton teve1.info
Teksa ka theksuar se në saje të mençurisë e guximit të patriotëve 111 vjet më parë, Shqipëria është sot shtet i pavarur.
“Dita e Flamurit, si simboli më përfaqësues e më përbashkues i kombit, është festa më e bukur e shqiptarisë. Sot jemi shtet i pavarur në sajë të mençurisë, guximit dhe vendosmërisë së patriotëve shqiptarë 111 vjet më parë në emër të dashurisë për atdheun dhe kombin, në emër të dashurisë për këtë flamur, në emër të lirisë. Liria sjell përgjegjësi. Le të na shërbejë modeli frymëzues i etërve themelues,të cilët dhanë gjithçka për Shqipërinë e lirë e të pavarur, si udhërrëfyes në çdo punë që bëjmë për vendin dhe për shqiptarët. Të udhëhiqemi nga qëllime të larta, më i larti prej të cilëve është mbrojtja e vlerave të paqes, demokracisë dhe prosperitetit të Shqiperisë. Gëzuar!”, ka shkruar ai.