Dy raste të vdekjes kanë ndodhur në Prishtinë të hënën, për të cilat Policia e Kosovës ka nisur hetimet.
Sipas PK-së rastisi i parë ka ndodhur rreth orës 10:20, ku një person është gjetur në rrugë në gjendje të rëndë shëndetësore, e që dyshohet që ka rënë nga një objekt, ku më pas ka ndërruar jetë në QKUK.
“Një mashkull kosovar është gjetur i shtrirë në rrugë në gjendje të rëndë shëndetësore nga disa kalimtarë dhe dyshohet se ka rënë nga një objekt. Viktima është dërguar për trajtim mjekësor në QKUK, ku rreth orës 11:00 ka ndërruar jetë. Me vendim të prokurorit trupi i pajetë është dërguar për obduksion”, thuhet në raport.
Një rast tjetër i vdekjes së dyshimtë është raportuar, ku një grua është gjetu pa shenja jete në banesën e saj.
“Raportohet se në banesën e saj pa shenja jetë është gjetur viktima femër kosovare. Me vendim të prokurorit trupi i pa jetë i viktimës është dërguar në IML për obduksion”, ka njoftuar Policia.