Kryeparlamentari, Glauk Konjufca ka thënë se 28 nëntori në Kosovë gjithmonë fillon në Prekaz, siç tha ai në vendin ku ka ndodhur sakrifica më e lartë e popullit të Kosovës për liri dhe ku është ngjizur lufta e lavdishme e UÇK-së.
Konjufca gjatë homazhve që ka bërë bashkë me presidentetn Vjosa Osmani në Prekaz, tha se nëntori do të festohet gjithmonë, derisa ka uruar që të gjejë popullin gjithmonë të bashkuar.
“28 nëntori në Kosovë gjithmonë fillon në Prekaz, këtu ku ka ndodhur sakrifica më e lartë e popullit të Kosovës për liri dhe këtu ku është ngjizur lufta e lavdishme e UCK-së. Po ashtu, kjo datë është dalja publike e ushtrisë tonë çlirimtare në të njëjtën kohë edhe ditëlindja e komandantit legjendare, Adem Jashari. Nëntoret do të festohen gjithmonë dhe urojë që neve të na gjejë gjithnjë të bashkuar, gjithnjë më të fort. Lavdi dëshmorëve dhe urime dita e flamurit të gjithë shqiptarëve kudo ku jetojnë ata”, ka thënë Konjufca në Prekaz.
