Arsenali nuk e ka gjetur ende zëvendësuesin perfekt të Granit Xhakës dhe shpresonqë ai të jetë Douglas Luiz i Aston Villës.
Gunners e shohin brazilianin si prioritet kryesor në mesfushë për afatin e janarit, mirëpo kështu nuk mendon Unai Emery i cili dëshiron ta mbajë atë në “Villa Park”.
“Douglas po luan shumë mirë dhe përkushtimi i tij është i jashtëzakonshëm. Unë dua që ai të qëndrojë këtu. Jam shumë i lumtur me të dhe shpresoj që edhe ai është me ne”, tha tekniku spanjoll.
Aston Villa këtë edicion ka 26 pikë dhe është në vendin e katërt, 4 pikë larg vendit të parë.
