Trajneri Massimiliano Allegri dëshiron të largohet nga Juventusi në fund të edicionit aktual.
“Corriere dello Sport” raporton të hënën se zëvendësuesi i Allegrit mund të jetë Antonio Conte. Conte së fundmi ka hapur derën për një rikthim të mundshëm në Torino.
“Ekziston gjithmonë një mundësi për t’u bashkuar. E rëndësishme është që të ketë një kuptim të përbashkët të ideve dhe mendimeve”, ka thënë Conte.
Ish-trajneri i Chelseat, Interit dhe Tottenhamit kaloi tre vjet në Torino si trajner duke fituar tre tituj në Seria A përpara se të larohej papritur në edicionin 2014/2015.
Tekniku italian u largua nga Tottenhami në prill dhe nuk pritet të marrë asnjë skuadër para sezonit 2024/2025.
