Kryetari i Partisë Demokratike të Kosovës, Memli Krasniqi, ka pritur në takim ambasadorin e Shqipërisë në Kosovë, Petrit Malaj.
Krasniqi ka thënë se në këtë takim që u zhvillua në prag të festës kombëtare – 28 Nëntorit, e ka uruar Malajn për 111 vjetorin e Pavarësisë së Shqipërisë.
Në këtë takim për të cilin Krasniqi ka njoftuar në Facebook, tha se diskutuan për rëndësinë e thellimit të bashkëpunimit dhe raporteve vëllazërore.
“Ambasadorit Malaj i ofrova bashkëpunimin e plotë të PDK-së gjatë mandatit të tij. Bashkë ritheksuam nevojën dhe rëndësinë për thellimin e mëtutjeshëm të raporteve vëllazërore mes Kosovës dhe Shqipërisë”, ka shkruar Krasniqi.
Petrit Malaj në krye të Ambasadës së Shqipërisë në Kosovë, ka ardhur pas Qemal Minxhozit.