Një 29-vjeçar shqiptar është gjetur i vdekur në Greqi, ku trupi i tij u gjet i varur në një lartësi prej 3-4 metrash, me duar të lidhura hë hekura.
Lajmin e kanë bërë të ditur mediat greke, sipas të cilave, Anxhelo Avdiu ishte zhdukur disa ditë më parë, mëngjesin e 29 tetorit.
Po ashtu bëhet me dije se herën e fundit ai kishte vizituar të afërmit e tij në zonën e Bartolomeut.
Sipas informacioneve të gazetës “Patris”, trupi i gjetur i varur në një pemë në një shtëpi fshati në zonën e Diasporës në Kyllini. Veshjet dhe sendet e tij personale duket se kanë konfirmuar identitetin e tij kur të afërmit e tij janë thirrur nga autoritetet për identifikimin.
Sipas të njëjtit burim, një tjetër element që identifikoi 29-vjeçarin shqiptar ishte proteza e tij, e cila u njoh nga nëna e thirrur në këtë moment të vështirë. Fakti që trupi i burrit u gjet në një lartësi prej rreth tre deri në katër metra dhe duart e lidhura me lak, bën që oficerët me përvojë të Policisë greke të mos përjashtojnë as mundësinë e një veprimtarie kriminale.
Pas identifikimit vizual të bërë nga të afërmit e tij, krahasimi i ADN-së me mostrën e të afërmve të tij është urdhëruar në Drejtorinë e Hetimeve Kriminale të Shtabit të Policisë Helenike për të konfirmuar zyrtarisht identitetin e trupit.
Vëllai i 29-vjeçarit tha për gazetën “Patris” se si ai dhe e gjithë familja e tij janë të shkatërruar dhe se brenda ditëve në vijim pritet t’i merret një mostër biologjike nga nëna e 29-vjeçarit për t’u identifikuar, përmes ADN-së.
Ndërkohë, autoritetet, të cilat po shqyrtojnë me kujdes të gjitha provat që ekzistojnë deri më tani, kanë mbledhur gjurmët e gishtërinjve si nga laku që mbështjellë duart e të riut, ashtu edhe nga shkalla që u gjet shumë afër vendit ku ishte varur kufoma.
