Zëvendësministri i Infrastrukturës, Hysen Durmishi ka thënë se pas fillimit të të reshurave të borës, kompanitë e mirëmbajtjes janë vazhdimisht duke punuar në gjithë territorin e Kosovës.
Përmes një postimi në Facebook, Durmishi u ka bërë thirrje të gjithë pjesëmarrësve në trafik për kujdes të shtuar dhe përshtatje me kushtet rrugore.
“Në përgjithësi të gjitha rrugët janë të kalueshme”, ka shkruar Durmishi krahas një video në postim ku shihen ekipet e mirëmbajtjes së rrugëve në terren duke punuar.
