Skuadra e Trepçës i është revanshuar skuadrës së Pejës për fitoren në xhiron e 2-të.
Të shtunën në palestrën “Minatori” skuadra nga Mitrovica ariti fitore me rezultatin 91-71.
Verdhezinjtë e drejtuar nga Rami Hadar ishin rival i barabartë vetëm në dy qerekët e parë, ndërsa në ato të fundit Trepça ishte superiore.
Më i miri tek “Xehtarët” ishte Darnell Edge me 29 pikë, por kishte dhe ndihmën e Bracy-Davis me 16 sosh.
Tek Peja u dallua Jay Jay Chandler me 21 pikë dhe Justin Davis me 19.
Vlen të ceket se të dy trajnerët u ndëshkuan me nga dy teknike dhe për këtë arsye u larguan nga ndeshja.
