2 nga 9 personat e lënduar me granatë në tregun e kafshëve në Prizren janë dërguar për trajtim në Qendrën Klinike Universitare të Kosovës.
Kështu ka bërë të ditur për teve1.info drejtori i Emergjencës, Naser Syla.
“2 nga personat që janë lënduar janë sjellë këtu në QKUK, janë jashtë rrezikut për jetë”, ka deklaruar ai.
Ndryshe, nëntë persona janë lënduar nga një shpërthim i granatës së dorës në tregun e kafshëve në Prizren.
Lajmin për teve1.info e konfirmoi zëdhënësi i Policisë për Rajonin e Prizrenit, Vesel Gashi.
Ai tha se ngjarja ka ndodhur rreth orës 5:00 të mëngjesit, derisa të lënduarit janë duke u trajtuar në Spitalin Rajonal të Prizrenit.
Deri më tani, sipas Veselit, tre të dyshuar janë identifikuar dhe janë në kërkim policor.
“Sot me date 22.11.2023. rreth orës 04:50, policia ka pranuar informate për një rast plagosje te tregu i kafshëve ne Prizren. Nga informatat e pare dyshohet se 9 perona kane pësuar lëndime nga shpërthimi i një granatë dore. Te gjithë te lënduarit janë ne emergjencën e Spitalit Rajonal te Prizrenit duke marrë trajtim mjekësor. Policia ka dal në vendngjarje dhe është informuar prokurori kujdestar gjithashtu. Në vendngjarje kane dale edhe njësiti i hetimeve rajonale te Prizrenit dhe janë duke mbledhur provat dhe dëshmitë. Tre te dyshuar janë identifikuar dhe janë ne kërkim policor”, ka thënë Veseli.
Lëndohen 9 persona nga granata e dorës në tregun e kafshëve në Prizren
