Prokuroria Speciale e Kosovës ka kryer aksion në disa lokacione në komunat veriore të Kosovës.
Aksioni është realizuar në dyshimet e bazuara për veprat penale, korrupsion, marrje ryshfeti dhe keqpërdorim i detyrës zyrtare.
Kështu ka bërë të ditur për teve1.info zëdhënësi i Prokurorisë Speciale të Kosovës, Ekrem Lutfiu.
“Ky aksion është duke u referuar me urdhër të Prokurorisë Speciale ku dyshohet për veprat penale korrupsion, marrje ryshfeti dhe keqpërdorim të detyrës zyrtare”, tha Lutfiu.
Aksioni i Prokurorisë është asistuar nga Policia e Kosovës. Lidhur me këtë, detaje ka dhënë zëvendësdrejtori rajonal i veriut të Kosovës, Veton Elshani.
“Ne i kemi asistuar doganës, katër lokacione janë bastisur”, deklaroi Elshani.
Ndërkohë, ende nuk dihet se a ka persona të arrestuar gjatë aksionit./teve1.info/
