Kryeministri i Kosovës, Albin Kurti, e ka uruar kryeministrin spanjoll,Pedro Sanchez në rizgjedhjen e tij në krye të Qeverisë së Spanjës.
Kurti i ka uruar më të mirat, duke shtuar se gjatë javës së kaluar në Malaga, u konfirmua se Evropa progresive mund të llogarisë në Partinë Socialiste të Pedro Sanchez për të ndalur rritjen e ekstremit të djathtë.
“Urime Kryeministrit të rizgjedhur të Spanjës, Pedro Sanchez (@SanchezCastejon). Javën e kaluar në Malaga@PES_PSE, u riafirmua se Evropa jonë progresive mund të mbështetet@PSOEpër të ndalur ngritjen e ekstremit të djathtë. Urimet më të mira për suksese të vazhdueshme”, ka shkruar Kurti në “X”.
Pas disa javësh zvarritjeje, lideri socialist i Spanjës, Pedro Sanchez, ka siguruar mandatin e dytë si kryeministër pas votimit në Parlament.
Ai ka siguruar shumicën në kuvendin me 350 ulëse, pasi ofroi marrëveshje amnistie për katalonjasit që tentuan ndarjen nga Spanja.
Congratulations to the reelected Prime Minister of Spain, Pedro Sanchez (@SanchezCastejon). Last week in Malaga’s @PES_PSE, it was reaffirmed that our progressive Europe can count on @PSOE to halt the rise of far-right. Best wishes for continued success.
— Albin Kurti (@albinkurti) November 17, 2023
