Konsiderohen heronj nga shoqëria e shteti.
Pasi, intervenimi i tyre në të mirë të publikut është i menjëhershëm e në çdo kohë.
Por këta, gjatë kryerjes së detyrave po hasin në vështirësi.
Këtë e thotë vet Zëvendës komandanti i Brigadës së Zjarrfikësve në Prishtinë.
Andaj ata vlerësojnë që duhet ti paguhet shtesa e rrezikshmërisë.
Sepse sipas Gashit, që nga hyrja në fuqi e Ligjit të Pagave nuk është duke u paguar shtesa e rrezikshmërisë të cilën e merrnin në vlerë prej 107 eurosh në muaj.
E kryetari i Sindikatës së Zjarrfikësve thotë se kanë pasur premtim nga Qeveria e Kosovës por që përkundër pritjes nuk ka pasur reflektim.
Ai paralajmëron se durimit të tyre po i vije fundi andaj thotë se mund të ketë edhe protesta.
Televizioni ka kërkuar përgjigje edhe nga ekzekutivi për të parë a janë duke shqyrtuar këto kërkesa, por që gjatë ditës kanë qenë të paqasshëm.
