Kërkesë për t’u larguar nga Kosova, nuk po bëjnë vetëm ata që e kanë të vështirë të gjejnë një vend të punës.
Sipas një hulumtimi të bërë nga “Riinvest”, mbi 33% e personave që janë duke punuar aktualisht në Kosovë, do të largohen nga vendi që nga janari i vitit të ardhshëm.
Për të mos lejuar largimin e tyre, bizneset po ua rrisin rrogat, por që pa sukses.
“Sektori i ndërtimit në Kosovë është më i prekuri sa i përket largimit të punëtorëve. Vlerësimet janë që 32.72 për qind e punëtorëve do të emigrojnë gjatë vitit të ardhshëm. Për të frenuar këtë trend, 79 për qind e bizneseve kanë rritur pagat e tyre dhe rritja e pagave ishte 22.23 për qind. Mbi një e treta e bizneseve raportojnë se do të vijojnë me rritjen e pagave, përderisa 24.5 për qind e tyre planifikojnë të përmirësojnë kushtet e punës”, ka thuhet në raport.
Për kryesindikalistin Jusuf Azemi, dhjetori i vitit të ardhshëm do ta gjejë Kosovën me rreth 100 mijë punëtorë më pak.
Këto shifra nuk do të mund të ndalen thotë ai, edhe nëse paga në vend të bëhet mbi 1 mijë euro.
Paralajmërimet janë shqetësuese edhe për opozitën.
Veçse këta të fundit fajtorë po e bëjnë pushtetin.
Sipas të njëjtit hulumtim, thuhet që shifrat mund të jenë edhe më të mëdha viteve të ardhshme.
Aty kërkohet ndryshim i politikave ekonomike dhe investime më të mëdha në projekte kapitale.
Derisa, tashmë duket si çështje e kryer që 1 Janari i vitit 2024 do të jetë data kur kosovarët do të mund të udhëtojnë pa viza në vendet shengen.
Kronika e realizuar nga gazetari Arton Rama