Anton Nrecaj nga Qendra për Ndihmë Juridike dhe Zhvillim Rajonal ka qenë i ftuar në emision ku ka treguar rreth përmbajtjes së kësaj rubrike.
Sipas tij, kjo pjesë e emisionit do t’i dedikohet kryesisht qytetarëve që kanë probleme me qasjen në sistemin e drejtësisë.
“Si rubrikë ne po fillojmë sezonin e 4-të kemi gjetë mirëkuptim me ju që të vazhdojmë këtë rubrikë në kaudër të programit të mëngjesit, do ta realizojmë çdo të mërkure do të jetë një rubrikë e cila u dedikohet kryesisht qytetarëve që janë në nevoja që kanë probleme me qasjen në drejtësi, të cilët nuk e kanë idenë se si funksionon sistemi i drejtësisë, do të trajtojmë tema të ndryshme, që do t’i prekin interesat e qytetarëve që kanë probleme me qasje në drejtësi”, tha ai.
Tutje, Rrecaj tregon se gjatë transmetimit të kësaj rubrike edhe shikuesit e “Tëvë Herët” do të kenë mundësi që të parashtrojnë pyetje për tema të ndryshme.
“Ky format do ta ketë edhe pjesën e linjës së hapur ku qytetarët gjatë transmetimit do të kenë mundësinë të na kontaktojnë në lidhjet telefonike apo të na shkruajnë në lidhje me temat e ndryshme që mund t’i kenë qytetarët, do të kemi edhe pjesën e pyetjeve nga Pallati i Drejtësisë ku do të marrim pyetjet e ndryshme të qytetarëve që ballafaqohen me sfidat për qasjen në drejtësi. Përpos kësaj formati i emisionit ka të bëjë edhe në pjesën e edukimit të qytetarëve sepse jo gjithçka është e drejtë, kemi për çdo ditë shkelje, ballafaqohemi me këto probleme ku qytetarët pretendojnë se u janë shkelur të drejtat”, shtoi ndër tjerash ai./teve1.info/