Njëri prej personave të dënua për vrasjen e gazetares ruse, Anna Politkovskaya, është faluar pasi ka luftuar në Ukrainë, ka thënë avokati i tij, sipas BBC-së.
Sergei Khadzhikurbanov, ish-polic në Moskë, ishte burgosur për 20 vjet më 2014.
Mirëpo, avokati i tij, Alexei Mikhalchik, tani ka thënë që klienti i tij është falur pasi e ka përmbushur kontratën e tij gjashtëmuajshe.
Ai kishte qenë njëri prej pesë personave që ishin dënuar për vrasjen e saj.
Politkovskaya kishte qenë reportere investigative dhe kritike e madhe e luftës së Rusisë në Çeçeni.
Raportimet e saj për gazetën Novaya Gazeta në lidhje me abuzimet e Rusisë në Çeçeni i kishin fituar mirënjohje ndërkombëtare.
