Për dallim prej këtyre, shqiptarët në Preshevë, Bujanoc e Medvegjë nuk patën interes për të votuar për zgjedhjet presidenciale. Pak vullnet pati edhe për ato parlamentaret, teksa disa prej preshevarëve për TËVË 1 deklaruan që nuk kanë votuar fare.
Dyert e qendrave të votimit u hapën fiks në ora 7 të mëngjesit në qendrën më të madhe te votimit në Preshevë. Por interesimi ishte i paktët.
Vullnet për të hedhur votën në kuti nuk kishte as Hajrush Maliqi.
Ky ka vendosur që në këto zgjedhje të mos përkrah asnjë parti politike të vendit.
Njejtë po vepron edhe një bashkëmoshatar i tij.
Por jo të gjithë preshevarët kanë qëndrimë të tilla.
Xhemaludin Rexhepi ka bërë thirrje për votim gjatë ditës së diel.
Sipas tij, këto zgjedhje janë të rëndësishme për shqiptarët.
Por pavarësisht kësaj nuk është parë shumë interesim për të votuar.
Që interesimi ka qenë shumë i vogël, e kanë thënë edhe zyrtarët e Komisionit Komunal Zgjedhor.
Në Luginën e Preshevës të drejtë vote kanë pasur mbi 42 mije banorë, mirëpo vetëm rreth pesë përqind prej tyre e kanë shfrytëzuar te drejtën e votës.
Raporti i gazetares Fetije Kamberi.
