Serbë të shumtë të Graçanicës janë tubuar për të nisur drejt Serbisë.
Ata po presin autobusin i cili do t’i dërgojë në qytetin kufitar të Serbisë, Kurshumli, për të votuar për zgjedhjet presidenciale dhe parlamentare serbe.
Dikush nga organizatorët u përkujdes që ata të kishin edhe ujë gjatë rrugës.
Para se të niseshin, disa prej tyre thanë se duan jetë më të mirë, andaj po shkojnë të votojnë.
“S’po na lejojnë me votu unë s’po votoj për kërkon hiq po votoj për jetën tem s’po më intereson as Vuciqi, Bytyqi as Krasniqi jetën time dua me e sigurua”, tha një qytetar.
“Po normal që do të marrë pjesë në zgjedhjet në Serbi, nëse na lejojnë me kalu kufirin shqiptarët, Kurti nëse na lejojn. Kjo është demokraci le të fitojë më i miri. Pres nga këto zgjedhje diçka më mirë se deri më tani”, tha një tjetër.
Nuk vonoj shumë e autobusi erdhi. Por ai u mbush shpejtë.
Andaj qytetarët serbë që ishin duke pritur, iu deshtë të presin autobusin tjetër.
Por jo të gjithë qytetarët serbë ishin të interesuar të shkonin të votonin.
Dikujt as që po i bëjnë përshtypje zgjedhjet serbe.
“Nëse ishin mbajt në Kosovë po për Kosovë sepse unë jam Kosovar”, tha një serb.
“Jo nuk do të marrë pjesë, kam punë të tjera”, tha një tjetër qytetar.
“Jo në Serbi s’kam votu, s’kam nevojë me votu atje”, shtoi një tjetër.
Krejt kjo situatë ishte nën monitorimin e policisë së Kosovës. Derisa aty u panë edhe ekipe të KFOR-it.
Rapoti i gazetares Doresa Geci.
