Disa persona në rrugën magjistrale në Leshak, në Mitrovicë të Veriut, kishin filluar t’i ndërrojnë shenjat e komunikacionit, për çka nuk kishin autorizim, raporton teve1.info
Pasi janë njoftuar Policia, të dyshuarit janë intervistuar dhe janë liruar në procedurë të rregullt, derisa rasti është cilësuar si rrezikim i trafikut publik.
Lidhur me rastin, sipas Policisë, kanë filluar hetimet.
“Leshak 09.11.2023-13:00. Njësitet policore pas pranimit të informatës se persona të panjohur (në magjistrale) janë duke i ndërruar shenjat e trafikut, kanë dalë në vendin e ngjarjes dhe kanë hasur dy persona të dyshuar meshkuj kosovarë të cilët nuk kishin dokumentacionin e duhur për të kryer punime dhe nuk ishin të regjistruar si kompani në institucionet përkatëse të RKS-së. Të dyshuarit pas intervistimit, në konsultim me prokurorin janë liruar në procedurë të rregullt. Rasti ndodhet në proces hetimor”, thuhet në njoftim.