Rektori i Kolegjit UBT, Edmond Hajrizi, tha se institucioni që ai e drejton ka arrit që të krijoj ‘një qytet të mençur’ në fushën e teknologjisë, me anë të të cilit studentët e zhvillojnë mësimin praktik, raporton teve1.info
Në emisionin “ReSpublika” në Tëvë1, Hajrizi ka shpjeguar arritjet e këtij Kolegji në fushën e teknologjisë, ku sipas tij studentët kanë mundësinë që praktikat e të gjitha drejtimeve t’i realizojnë në një hapësirë të Universitetit për Biznes dhe Teknologji (UBT) të quajtur “Smart City”.
“Është dashtë të krijohet një ekosistem inovativ, një lloj kompleksiteti i funksioneve në mënyrë që këto teknologji të përdoren dhe ne atë e kemi përmbyll dhe e kemi ndërlidh më një qytet të mençur që po e quaj ‘smart city’, një qytet ku ka të gjitha funksionet fizike të qytetit, ka shkollën, ka spitalet, ka fabrikën, ka serrat, prodhon energji vet, ka teknologji të ndryshme, ka muzeun, ka galeri, faktikisht të gjitha funksionet fizike i kemi ndërtuar në miniaturë, në një hapësirë në kampusin e UBT-së dhe mandej mbi këtë bazë i kemi vendos të gjitha këto teknologji të cilat e kompletojnë këtë strukturën teknologjike, duke e futur shembull rrjetëzimin në bazën e internetit, duke i vendosur antenat e telekomit ne bazën 5G sepse gjenerata e 5 krijon një koncept shumë tjetër të përjetimeve, dukurive të cilat nuk i ke përjetuar më herët, realitetin virtual, sigurinë kibernetike, teknologji të ndryshme, ‘cloud teknologjia’ apo formate tjera, ‘data center’, ku ruhen të dhënat, një qendër ‘super-computer’, të kompjuterëve të themi me një performancë më të lartë ku përpunohen të dhënat e mëdha dhe tani aty është një fushë eksperimentale që të gjithë ata nga këndvështrimi i tyre mund ta gjejnë veten dhe mund të përdorin këto vegla për të arritur qëllimin që e kanë”, ka deklaruar Hajrizi.
Ai tha se edhe praktikat e tekemjeksëisë mund të kryhen në këtë ambient teknologjik.
Nëse flasim për mjekësinë, atëherë e kanë sallën e operacionit, e kanë 5G mund të bëjnë edhe telemjekësi, mund ta testojnë se si duket që një kirurg nga distanca, në kohë reale mund të bëjë operacione pa qenë gjithë kohës në prezencë fizike, ai tjetri mund ta përcjell se si duket lëvizja e një automjeti pa vozitës, ky tjetri mund ta përcjell shembull pjesën e gjenerimit të energjisë, përcjellja e të gjithëve përmes sensorëve që ne po i themi ‘internet of thinks’ ku mund të hapet dritarja, mund të mbyllet, mund të ndalet energjia e panevojshme që mos të shpenzohet. Mund të bëhen ajrosje të ndryshme, thjeshtë optimalizohet kualiteti i jetës. Serrat atje mund të monitorohen në mënyrë të vazhdueshme qoftë me i dhënë ndriçim më shumë, qoftë ngrohje më shumë, qoftë ajrosje më shumë dhe të gjithë e shohin nga një këndvështrim i tyre”, u shpreh Hajrizi.
Sipas rektorit të UBT-së, qëllimi i institucionit që ai e drejton është ndërlidhja e studentëve me tregun e punës.
“Dhe qëllimi ynë është që studentët tanë, edhe të rinjtë, edhe nxënësit që i kemi aty të rrinë , ti marrin kompetencat më shpejt edhe më mirë në mënyrë që kur të dalin në tregun e punës të kenë mundësi të dalin me kompetenca më të mira që tregu t’i akceptoj më lehtë sepse ju e dini ka njëlloj konflikti, një lloj pritje ndryshe nga industria në relacion me ofertën që i bëhet nga edukimi për shkak se sistemi ekzistues apo i kaluar i edukimit nuk është shumë adaptim në kërkesat shumë dinamike dhe transformimet dinamike që ndodhin në këtë prandaj për neve si UBT është me rëndësi e mi studiu këto dukuri, me gjet modele të reja të edukimit, me i bë eksperimente pozitive, me ardhë te konkluzionet dhe mundësitë ato konkluzione me i publiku, me i përjetu edhe me i ndihmu edhe komunitetit më të gjerë jo vetëm në Kosovë por edhe më larg, për atë arsye jemi duke publiku, duke testu tema të ndryshme dhe jemi duke u ftuar në shumë vende të ndryshme, qendra të ndryshme për t’i prezantuar këto modele të cilat duken interesant. Por fati i mirë është që teknologjia nuk është më aq e shtrenjtë, nuk është më një strukturë që vendet si Kosova mos të kenë mundësinë të flasin, të përdorin, të jenë dhe të jetojnë thjeshtë me teknologjitë e fundit, është një pozitivitet që ne po mundohemi ta shfrytëzojmë”, ka deklarua Hajrizi.
