Një nga të rinjtë më premtues në diasporë në muzikë, është Leon Berisha. Edhe pse vetëm 16 vjeçar, Leoni që njihet me emrin artistik, 4AM vazhdon që të sjell projekte të ndryshme, që dëshmojnë vendosmërinë e rrugës së tij drejt suksesit.
Artisti së fundmi ka publikuar këngën e tij të fundit, Andale. Shqip, titulli i këngës është eja, por që në refren ndërlidhet me gjuhën spanjolle, duke nxjerr një rimë dhe përputhje majftë trendi. Si artist i kompletuar dhe me shumë potenecial, Leoni është vet tekstshkrues por edhe kompozitor i këngës, duke ia kompletuar autorsinë mbi këtë projekt.
Përkundër që ka lindur dhe jeton në Norvegji, 4AM vazhdon që veprimtarinë e tij ta lidhë me atdheun e tij. Video-spotin, ai e ka realizuar në rivierën shqiptare por me produksionin shqiptar në diasporë, Eish Production.
Leoni ka paralajmëruar se shumë shpejt do të dal edhe me një projekt tjetër muzikor.
