Japoni: Sulm me armë në një spital, raportohet për dy të lënduar

Dy persona janë plagosur nga të shtënat në një spital në qytetin qendror të Japonisë Toda.

I dyshuari, ndoshta rreth të 40-tave ose 50-ave, ka ikur me motoçikletë dhe aktualisht ndodhet i lirë, raporton BBC.

Ndërkohë, të paktën një person është marrë peng brenda një zyre postare në Warabi fqinje.

Ende është e paqartë nëse dy incidentet kanë lidhje në mes veti.

Mediat japoneze kanë transmetuar pamjet e një burri që mbante një armë dhe qëndronte në hyrje të një poste pranë Spitalit të Përgjithshëm Toda Chuo, ku dy personat u qëlluan.

Dy të plagosurit janë identifikuar si mjek dhe një pacient i moshuar.