Njëri nga të lënduarit në Vushtrri pasditen e së dielës iu ka nënshtruar një operacioni vaskular, me ç’rast gjendja e tij shëndetësore është shumë e rënduar, raporton teve1.info
Lajmin për Tëvë1 e bëri të ditur mjeku kujdestar në Emergjencën e QKUK-së, Avdush Bajgora, i cili tha se të plagosurit i janë bërë ekzaminimet adekuate por shtoi se është paraqitur në QKUK në gjendje jashtëzakonisht të rënduar shëndetësore.
Bajgora tha se edhe i lënduari i dytë po trajtohet në Klinikën e Ortopedisë pasi sipas tij ka një thyerje të lehtë.
“Pacienti i cili ka qenë në gjendje më të rënduar, me armë të zjarrit, në regjionin femoral me ç’rast ka pas arterien femorale të lënduar dhe gjendja është e rënduar jashtëzakonisht. Pacienti ka qenë në gjendje të shokut hemorragjik, mirëpo falë reanimacionit të shpejt i nënshtrohet intervenimit kirurgjik dhe tani ndodhet në sallën e operacionit dhe po trajtohet nga ekipet e kirurgjisë vaskulare. Gjendja është jashtëzakonisht e rëndë. Ekzaminimet adekuate janë bërë edhe për pacientin tjetër i cili ka qenë i lënduar ka regjioni lumbal, predha ka kaluar në regjionin kristal që ka shkaktuar një frakturë të lehët dhe është dërguar për mjekim të mëtejmë në Klinikën e Ortopedisë në QKUK”, u shpreh Bajgora.
