Kancelari gjerman, Olaf Scholz, ka bërë edhe një reagim pas komunikatës së përbashkët me presidentin Emmanuel Macron dhe kryeministren italiane, Giorgia Meloni.
Ai ka thënë se me Macron dhe Meloni shprehen që Kosova dhe Serbia ta zbatojnë rrugën drejt normalizimit.
“Sot me Macron dhe Meloni shprehem pritjen që Kosova dhe Serbia ta zbatojnë rrugën drejt normalizimit. Ne përpiqemi për një të ardhme me një perspektivë paqësore për qytetarët e tyre dhe fqinjësinë e vendeve të tyre”, ka thënë ai në X.
Today, @EmmanuelMacron, @GiorgiaMeloni and I expressed the expectation that Kosovo and Serbia implement the path to normalisation. We strive for a future with a peaceful perspective for their citizens and the neighbourship of their countries.
— Bundeskanzler Olaf Scholz (@Bundeskanzler) October 27, 2023
Ndryshe, kancelari gjerman Olaf Scholz, presidenti francez Emmanuel Macron dhe kryeministrja italiane Giorgia Meloni, kanë kërkuar që Kosova të nisë me procedurat për themelimin e Asociacionit të komunave me shumicë serbe.
Është kërkuar që Asociacioni të themelohet sipas draft-statutit të propozuar nga ndërkombëtarët më 21 tetor dhe që Serbia të jetësojë njohjen de-facto.
“Me qëllim të arritjes së progresit të shpejt në zbatim, ne i bëjmë thirrje Kosovës që të nisë procedurën për themelimin e Asociacionit të komunave me shumicë serbe, siç përshkruhet në draftstatut, ndërsa Serbisë që të jetësojë njohjen de-facto. Formalitetet, përfshirë ato ndërlidhur me adoptimin, nuk duhet të qëndrojnë në rrugën e progresit për këtë çështje”, thuhet në deklaratën e përbashkët të Mavronit, Scholzit dhe Melonit për normalizimin e marrëdhënieve mes Kosovës dhe Serbisë.
Liderët evropianë kanë thënë se mirëpresin angazhimin e të dyja palëve, pas takimeve të së enjtes në Bruksel.
Scholz, Macron e Meloni: Kosova ta bëjë Asociacionin e Serbia njohjen de-facto
