Deputeti i pavarur, Haki Abazi ka kritikuar kryeministrin Albin Kurti për gatishmërinë e tij për ta nënshkruar marrëveshjen ku përfshihet Asociacioni i komunave me shumicë serbe.
Gjatë diskutimit të tij në Kuvendin e Kosovës të premten, Abazi ka thënë se Kurti duhet të paraqitet në Kuvend për të sqaruar se çfarë ka ndodhur.
“Zoti Kurti duhet të vije këtu jo për të na sqaruar vetëm neve se çka ka ndodhë, por njerëzve të cilët iu ka dhënë besën se Zajednica, as me kompetenca ekzekutive as jo ekzekutive, nuk do të vije në shprehje kurrë në Kosovë. Ky parlament, në mos me gaz lotsjellës, do të ballafaqohet me reagim të madh, jo për faktin që është pranu Asociacioni, po për faktin që kundër këtij Asociacioni kanë vdekë njerëz, është derdhë gjak, Kurti ka ecë mbi atë gjak, kundër këtij Asociacioni është bërë kryeministër, ka ardhë në pushtet. E në momentin që i rrezikohet pozicioni i tij, vjen në Prishtinë me konferenca për media, vjell vrer ndaj partnerëve evropianë. Kjo është punë palaço, vetëm një palaço mund të bëj kështu ndaj elektoratit të tij”, është shprehur Abazi.
