Numri i të vdekurve palestinezë nga sulmet ajrore të vazhdueshme izraelite në Rripin e Gazës është rritur në 6,546, tha të mërkurën Ministria e Shëndetësisë.
“Vdekjet përfshinin 2,704 fëmijë, 1,584 gra dhe 364 pleq”, tha zëdhënësi i ministrisë Ashraf al-Qudra në një konferencë shtypi në qytetin e Gazës.
Ai tha se 17,439 persona të tjerë u plagosën në sulmet, ndërsa 1,600 njerëz mbetën të bllokuar nën rrënoja, duke përfshirë 900 fëmijë.
Zëdhënësi tha se 73 mjekë u vranë dhe 25 ambulanca u shkatërruan në sulmet izraelite.
“Sistemi i kujdesit shëndetësor të Gazës doli jashtë shërbimit” mes sulmeve të pamëshirshme dhe mungesave kritike, tha al-Qudra.
Izraeli ka nisur sulme të pamëshirshme ajrore në Rripin e Gazës pas një sulmi ndërkufitar të Hamasit në territorin izraelit më 7 tetor. Të paktën 1,400 izraelitë u vranë në sulm.
2.3 milionë banorëve të Gazës kanë mbetur pa ushqim, ujë, ilaçe dhe karburant, dhe autokolonat e ndihmave të lejuara në Gaza kanë bartur vetëm një pjesë të asaj që nevojitet./AA/
