Ky objekt në Luginën e Diellit, është caku i radhës i policëve elitarë, në vazhdën e bastisjeve të lidhura me sulmin në Banjskë.
Policë të rendit e hetues po qëndrojnë si brenda ashtu edhe jashtë këtij objekti.
E krejt aksionin e monitoruan edhe ekipet e EULEX-it.
Njëri nga lokacionet e bastisura në veri ishte edhe banesa e Vladimir Toliq, i arrestuar në Banjskë
Që Toliq ka jetuar këtu, e tregon edhe emri i tij i vendosur në derë në katin e fundit të kësaj ndërtese.
I njëjti është arrestuar nga organet e rendit më 24 shtator dhe ishte i plagosur.
E pas arrestimit, mori trajtim mjekësor edhe në Qendrën Klinike Universitare të Kosovës.
Mirëpo, sipas zëvendësdrejtorit të Policisë për rajonin e Mitrovicës së Veriut, Veton Elshanit gjatë së mërkurës janë bastisur tetë lokacione.
Aksioni ka vazhduar edhe në këtë objekt në rrugën Tre Rrokaqiejt në Mitrovicën Veriore.
Në objektin B të rrugës “Kollashinska 66” është thyer dera e kësaj banese në katin e katërt.
E këtu u përdor forca nga Policia e Kosovës për të hapur derën.
Këtë e konfirmon edhe zëvendësdrejtori Elshani.
Deri në këtë periudhë, nga këto bastisje nuk ka persona të arrestuar, mirëpo sipas Policisë së Kosovës aksionet vazhdojnë edhe ditëve në vijim.
Gjithashtu, sipas tyre, situata në veri është e qetë, mirëpo vazhdon të jetë delikate.
