Pirja e kafesë dhe çajit në moshën e mesme dhe të vjetër mund të shmangë gjendjen e dobët fizike, sugjeron një studim.
Studiuesit intervistuan 12.500 njerëz në të 50-at e tyre në Singapor për zakonet e tyre të pirjes së kafesë dhe çajit, dhe i përcollën ata përsëri 20 vjet më vonë.
Ata zbuluan se ata që pinin katër filxhanë kafe ose më shumë çdo ditë kishin rreth gjysmën e gjasave për të qenë fizikisht të dobët në të 70-at e tyre.
Dhe në krahasim me ata që nuk pinë çaj në jetë të përditshme kishin rreth 18 për qind më pak shanse për të qenë fizikisht të dobët më vonë.
Kur studimi ndau çajin sipas llojit, konsumuesit e përditshëm të çajit jeshil kishin përfitim më të madh, duke treguar 19 për qind shanse më të ulëta për gjendje të dobët fizike, krahasuar me 12 për qind shanse më të ulëta për ata që pinë çaj të zi.
Studiuesit nuk pretenduan të vërtetonin shkakun dhe efektin, por ata besojnë se kafeina mund të kombinohet me përbërës të tjerë antioksidues në kafe dhe çaj për të ngadalësuar degradimin e qelizave, dhe për të parandaluar gjendjet e shëndetit fizik si sëmundjet e zemrës dhe disa lloje kanceri, të cilat mund të çojnë në dobësim të shëndetit.
Për të testuar pjesërisht këtë ide, ata shikuan gjithashtu konsumin total të kafeinës, duke përfshirë jo vetëm kafenë dhe çajin, por edhe pijet freskuese dhe çokollatën.
Krahasuar me ata që konsumonin 67.6 miligramë kafeinë në ditë ose më pak, ata që merrnin sasinë më të madhe, 223-910,4 miligramë në ditë, kishin rreth 23 për qind shanse më të ulëta për të qenë fizikisht të dobët.
Të qenit i dobët fizikisht është një gjendje e zakonshme te të rriturit e moshuar dhe simptomat e saj mund të përfshijnë ulje të energjisë, humbje të muskujve, dobësi. Përveçse është një shenjë e mundshme e problemeve të tjera shëndetësore, kjo mund ta bëjë jetën e përditshme më të vështirë dhe t’i vendosë të moshuarit në rrezik më të lartë për t’u rrezuar.
Në studimin aktual, studiuesit zbuluan se krahasuar me të rriturit që nuk pinin kafe çdo ditë, pjesëmarrësit që pinin katër filxhanë kafe ose më shumë çdo ditë gjatë moshës së mesme kishin rreth gjysmën e gjasave për të qenë fizikisht të dobët në kohën e mëvonshme./kp
