Prokuroria Themelore në Gjilan, ka kërkuar paraburgim për dy shtetasit kosovarë të cilët janë kapur duke transportuar 182 kilogramë marihuanë në vlerë rreth 400 mijë euro, në zonën kufitare Kosovë – Serbi.
Ndërsa, si prova materiale relevante për rastin janë sekuestruar një veturë dhe një kombi me targa vendore të cilat janë përdorur në rast si dhe dy telefona celularë, përcjell teve1.info.
“Kërkohet paraburgim ndaj dy personave për 183 kg ‘’Marihuanë’’ Gjilan, 25 Tetor 2023 – Prokuroria Themelore në Gjilan, Departamenti për Krime të Rënda, ka kërkuar caktimin e masës së paraburgimit ndaj të pandehurve Y.H. dhe D.H, të cilët dyshohet se kanë kryer veprën penale ‘’Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge’’, nga neni 267, të Kodit Penal të Republikës së Kosovës. Sipas kërkesës, ekziston dyshimi i bazuar se të pandehurit Y.H. dhe D.H, më 24 Tetor 2023, rreth orës 21:35 minuta, në brezin kufitar afër fshatit Kokaj komuna e Gjilanit, në bashkëveprim dhe me qëllim të përfitimit të kundërligjshëm pasuror për vete, kanë kryer veprën e sipërshënuar penale, në atë mënyrë që nga policia task forca kufitare, tek të njëjtit është gjetur substancë narkotike, e dyshuar e llojit marihuanë, me peshë prej 182.715 kg, e cila është sekuestruar”, thuhet në komunikatën e Prokurorisë./teve1.info/.
Transportonin 182 kg Marihuanë nga Serbia, arrestohen dy qytetarë
