Musliu, përmendi deklaratën që bëri sot drejtori i Policisë në Komision, i cili tha se shumë policë po largohen nga vendi i punës dhe kjo është shqetësuese.
“Sot ishte drejtori i Policisë në Komision, ku deklaroi se shumë polic po largohen nga puna, kjo është shqetësuese dhe alarmante, sepse Policia e Kosovës po përballet me një stres dhe një presion të paparë të llojit politik. Në të gjitha format politika e ka shtuar presionin, në këtë rast Ministri i Punëve të Brendshme, dhe është e tmerrshme të dalë si lajm që Policia e Kosovës po lë vendet e punës, dhe po largohen”, deklaroi Musliu.
Ajo pretendon se presionin politik, më së miri e shfaqë vetë largimi i Policisë së Kosovës, ku njëra ndër arsyet e para është ligji i pagave.
“Presionin politik, mendoj që më së miri e shfaq vetë largimi i Policisë së Kosovës, një nga arsyet është ligji i pagave, sepse ata kanë punuar me orare të stërgjatura gjatë kohës së pandemisë dhe nuk janë kompensuar, nuk kanë pasur shujta, nuk kanë pasur veshmbathje të duhura, nuk kanë pasur trajtim të duhur në vendin e punës, dhe papërgjegjësitë e mëdha të kësaj qeverie këto i tregojnë”, theksoi ajo.
