Haradinaj ka thënë se është nder kur qëndron në Prizren në kryeqytetin historik të Kosovës, shkruan Teve1.info.
“Është nder kur qëndrojmë në Prizren ku është kryeqyteti ynë historik, i vlerave tona fetare. Ne selinë e bashkësisë Islame është takuar me kryetarin Besim Berisha dhe bashkëpunëtorë të tjerë. Është një mundësi e mirë që në prag të ramazanit t’i urojë nga këtu besimtarëve mysliman të gjithëve agjërim të lehtë dhe ua pranoftë zoti agjërimin”, ka thënë ai.
Haradinaj ka folur edhe për rastin ku në hyrje të një shkolle në Gjakovë ishte fotografia që ndalonte hyrjen e vajzave me shami.
Ai thotë se ajo shenj ishte e panevojshme në atë shkollë dhe sipas tij kjo çështje duhet të trajtohet në kanale të veta zyrtare.
“Mos të bijim në debate të panevojshme, si debati për simbole për gjërat e lejueshme dhe të palejueshme dhe ajo shenj ishte e panevojshme në një shkollë. Ajo çështje duhet të trajtohet në kanale të veta zyrtare administrative. Por jo të nxisim debate që nuk e kanë kohën dhe vendin por të jemi të bashkë”, tha më tej Haradinaj. /teve1.info/
