Ambasadori gjerman në Kosovë, Jorn Rohde thotë se takimi i sotëm i pesëshës diplomatike me kryeministrin, Albin Kurti, tregon angazhimin e palodhëm në gjetjen e një zgjidhjeje.
Këtë deklaratë ai e bëri përmes një postimi në platformën “X”, përcjell teve1.info
“Mbledhja e sotme e Përfaqësuesit të Lartë të BE-së Miroslav Lajçak dhe përfaqësuesve nga Gjermania, Franca, Shtetet e Bashkuara dhe Italia, së bashku me kryeministrin Albin Kurti, nënvizon angazhimin e palodhshëm për zgjidhje të qëndrueshme dhe në këtë mënyrë përshpejtimin e integrimit të plotë në familjen euroatlantike”, ka shkruar Rohde.
Kryeministri Kurti ka pritur sot në takim emisarin e BE-së, Miroslav Lajçak, i shoqëruar nga i dërguari amerikan për Ballkanin Perëndimor, Gabriel Escobar, dhe këshilltarët e lartë të liderëve të Gjermanisë, Francës, Italisë.
Pas takimit, Lajçak ka deklaruar se Asociacioni i komunave me shumicë serbe duhet të themelohet sa më shpejt, pasi pa të Kosova nuk do të ketë progres për integrimin në BE, teksa ka njoftuar se kanë ardhur me një plan, të cilin e kanë diskutuar me Kurtin.
Pas Kosovës, emisarët kanë udhëtuar për në Serbi. /Teve1.info/
Today's meeting of 🇪🇺 EUSR @MiroslavLajcak and the 4 NSAs from 🇩🇪🇫🇷🇺🇸🇮🇹 together with PM @albinkurti underscores🇪🇺🇩🇪🇫🇷🇺🇸🇮🇹 tireless commitment for sustainable solutions and thus speed up 🇽🇰 full integration into the Euro-Atlantic family. pic.twitter.com/hTFO2zoXCx
— Ambassador Jörn Rohde (@GermanAmbKOS) October 21, 2023
