Kryetari i PDK-së, Memli Krasniqi ka pritur sot në takim njohës ambasadorin e ri të Austrisë në Kosovë, Georg Schnetzer.
Në një postim në Facebook, Krasniqi bën të ditur se së bashku me Schnetzer diskutuan për zhvillimet politike dhe ekonomike në Kosovë, përcjell teve1.info
Tutje, ai ka thënë se miqësia mes Kosovës dhe Austrisë është e përhershme.
“Duke i uruar mirëseardhje, Ambasadorin Schnetzer e falënderova për mbështetjen e vazhdueshme që Austria i ka dhënë Kosovës nëpër të gjitha etapat e shtetndërtimit dhe i ofrova bashkëpunimin tim në avancimin e raporteve ndërmjet shteteve tona. Miqësia mes Kosovës dhe Austrisë është e rëndësishme dhe e përhershme!”, ka shkruar ai.
Një takim njohës me ambasadorin e ri austriak e ka pasur sot edhe kreu i AAK-së, Ramush Haradinaj. /Teve1.info/