Policia e Kosovës ka arrestuar sot dy persona të dyshuar për trafikim me qenie njerëzore.
Sipas njoftimit, dy të dyshuarit A.K., shtetas i Kosovës dhe R.K., shtetase e Shqipërisë, janë dërguar në mbajtje, përcjell teve1.info
“Me datën 18.10.2023, pas informacioneve të pranuara për dyshimet lidhur me kryerje të veprës penale ‘trafikim me qenie njerëzore’, Sektori Qendror i Hetimeve nga DHTQNj, në bashkëpunim dhe koordinim me prokurorinë e lartcekur, ka zhvilluar hetime intensive, ku si rezultat janë identifikuar dhe janë arrestuar dy persona të dyshuar me iniciale A. K. viti i lindjes 1978 m/shtetas kosovar dhe R. K. viti i lindjes 1991 f/shtetase e Shqipërisë, pasi të njëjtit dyshohet se kanë kryer veprën ‘trafikim me njerëz’ nga neni 165 i KPRK-së”, thuhet në njoftim.
Tutje bëhet e ditur se viktimat e përfshira në rast u janë nënshtruar procedurave për trajtim të viktimave të trafikimit. /Teve1.info/