Kryetari i AAK-së, Ramush Haradinaj ka pritur në takim njoftues ambasadorin e Austrisë në Kosovë, Georg Schnetzer.
Në një postim në Facebook, ai bën të ditur se i ka uruar Schnetzer punë të mbarë në Kosovë, teksa ka theksuar se së bashku kanë diskutuar për zhvillimet aktuale në vend, përcjell teve1.info
“Ambasadorin Schnetzer, e falënderova për ndihmën e vazhdueshme që Austria i ka dhënë Kosovës në të gjitha periudhat e shtetndërtimit, me theks të veçantë në zhvillimin ekonomik të vendit dhe në rrugën tonë drejt integrimeve euro-atlantike”, ka shkruar ai.