Mot i keq po mbretëron në Kosovë, por lajm i mirë për “Skifterat”.
Klubi futbollistik Gjilani në një ditë depressive ka bërë një “goditje” në anën e majtë të mbrojtjes. Kuqebardhët janë përforcuar në krahun e majtë me reprezentuesin e Maqedonisë së Veriut, Egzon Bejtullain.
Anipse ende nuk është zyrtarizuar në faqen e klubit gjilanas, por brenda klubit për Tëvë1 bëjnë me dije se marrëveshja është arritur dhe se 29-vjeçari ka firmosur kontratë një vjeçare.
Bejtullai të mërkurën do ti bashkohet në stërvitje bashkëlojtarëve të tij të rinj dhe me gjasë do të jetë startues edhe në ndeshjen e radhës me Fushë Kosovën, e cila do të zhvillohet me 21 tetor në kuadër të xhiros së dhjetë të Superligës.
29-vjeçari, Egzon Bejtullai luan disa pozita në mbrojtje, përveç anësor luan edhe si qendërmbrojtës. Ai përveç që ishte pjesë e Shkëndijes, me parë ka luajtur edhe në Suedi te Helsinborgs. Gjithashtu ka bërë 26 paraqitje edhe me përfaqësuesen e Maqedonisë së Veriut, derisa ka qenë edhe njëri nga lojtarët kyq në kalimin e Maqëdonisë së Veriut përherë të parë në Kampionatin Evropian.
