Më 23 tetor, do të mbahet një protestë paqësore kundër politikave të Serbisë ndaj vendbanimeve shqiptare në Kosovën lindore. Pjesëmarrëse do të jetë edhe Lidhja Shqiptare Evropiane, me ç’rast themeluesi i saj, Florim Rullani dha detaje rreth protestës.
Duke folur për padrejtësitë e shqiptarëve në Preshevë, Medvegjë e Bujanoc, Rullani theksoi se mosregjistrimi i popullsisë shqiptare në ato zona është një “vrasje pa plumba”.
Siç bëri të ditur ai, ajo çfarë kërkohet nga kjo protestë është që atë që e kanë serbët në Kosovë, ta kenë edhe shqiptarët në Kosovën lindore.
“Është tash e disa vite ku punohet realisht në mosregjistrimin e popullatës shqiptare në Preshevë, Medvegjë dhe Bujanoc. Dhe në këndvështrimin tonë, është një vrasje pa plumba dhe njëfarë vrasje goxha moderne. Pra në njëfarë mënyrë është me ulë popullsinë reale të cilën e përbën Kosovën lindore dhe përveç padrejtësive të tjera dhe të padrejtave të tjera të cilat nuk i gëzojnë shqiptarët në zonën lindore, të drejtat e shqiptarve janë pakrahsimisht më të vogla, më të varfëra, në krahasim me pakciat të cilat jetojnë nëse mund të themi, serbët në Kosovë. Dhe krejt çka kërkohet nga kjo protestë është që atë që u jipet serbëve në Kosovë, tu jipet edhe shqiptarëve në Kosovën lindore”, deklaroi Rullani në emisionin “Herët” në Tëvë 1.
Kjo protestë për Kosovën Lindore do të mbahet të hënën (23 tetor) duke filluar nga ora 11:00. /Teve1.info/