Trajneri i Llapit, Tahir Batatina, ka thënë se është “Arsene Wenger” i Kosovës. Derisa përmes një postimi në “facebook”, Batatina ka bërë të ditur se i ka takuar disa prej lojtarëve të Shqipërisë.
Ka përsëritur ambicien që të bëhet selektor i Kosovës. Madje është shprehur shumë optimist lidhur me këtë.
“Për disa që nuk e dinë se çfarë roli kam, po ua bëj me dije se jam Arsene Wenger i Kosovës dhe Shqipërisë, ndërsa president i klubit është Beqir Batatina. Klodian Duron e respektoj si lojtar por si trajner e din ai sepse jemi ballafaquar me të dhe se si kemi kaluar në ndeshje kur e ka kërkuar topin nga 10 minuta e se ka gjetur në fushë. Jam krenar me Kosovën dhe Shqipërinë por mos harroni se disa herë radhazi u kam treguar se lider lind dhe nuk bëhesh. Pres që së shpejti këta djem t’i kem kundërshtar në fushë por në një ndeshje kontrolluese mes 2 Kombëtareve, Shqipërisë dhe Kosovës”, ka shkruar Batatina.
