Zëvendëskryeministri i Kosovës, Besnik Bislimi bën të ditur se mjeti lëvizës që informon rreth liberalizimit të vizave ka qenë sot në Mitrovicë.
Siç thotë ai, të gjithë qytetarët duhet të informohen për të drejtën që gëzojnë për udhëtimin pa viza nga 1 janari, përcjell teve1.info
“Në sheshin Mehë Uka, ishte vendosur mjeti lëvizës, i pajisur me materiale informuese e ekipin mbështetës në dispozicion të qytetarëve. Të gjithë qytetarët pa dallim, duhet të informohen për të drejtat e tyre për lëvizjen e lirë pa viza nga 1 janari dhe rregullat të cilat duhen respektuar”, ka shkruar ai në Facebook.
Deri tani, ky mjet lëvizës ka qenë në komunën e Prishtinës, Prizrenit, Gjilanit e Podujevës. /Teve1.info/
