Ministrja e Punëve të Jashtme, Donika Gërvalla është takuar sot me homologun e saj nga Letonia, Krišjānis Kariņš.
Në një postim në “X”, ajo ka njoftuar se së bashku me Kariņš kanë diskutuar rreth aplikimit të e Kosovës në KiE dhe për sigurinë në rajon, teksa bën të ditur se ka kërkuar edhe veprime kolektive për t’u përgjigjur agresionit të Serbisë ndaj Kosovës.
“Mirënjohës për bisedën e hollësishme me ministrin e Jashtëm të Letonisë Krišjānis Kariņš. Diskutuam për aplikimin e Kosovës në Këshill të Europës dhe çështjet thelbësore të sigurisë në rajon. Bëra thirrje për veprime kolektive, përfshirë sanksionet e BE-së, në përgjigje të agresionit të Serbisë kundër Kosovës”, ka shkruar ajo.
Takimin në fjalë e ka njoftuar edhe kryediplomati letonez, i cili ka thënë se Letonia e mbështet aplikimin e Kosovës në Këshillin e Evropës. /Teve1.info/