Gjykata e Apelit në Kosovë, gjatë muajit shtator ka publikuar në ueb faqe 321 aktgjykime dhe aktvendime të përpunuara.
Sipas njoftimit, nga këto vendime të publikuara 216 vendime janë të lëmisë civile, 30 nga divizioni penal, 11 të departamentit për krime të rënda, 61 për çështje administrative dhe 3 të departamentit special.
“Publikimi i vendimeve mbetet një ndër prioritetet e kësaj Gjykate, për t’i ofruar qasje secilit qytetar, që ndërlidhet drejtpërsëdrejti me rritjen e transparencës së gjyqësorit. Të gjitha këto aktgjykime dhe aktvendime janë të qasshme për publikun dhe organizatat e ndryshme, të cilat bëjnë monitorimin e sistemit të drejtësisë dhe punës së gjykatave”, thuhet në njoftim./teve1.info/
