Tash e katër vjet në këtë zone, uji rrjedhë nga kanalizimi.
E si pasojë e kësaj në rrugën Sllatinë – Fushë Kosovë kundërmon aromë.
Në hall nga kjo gjendje janë disa qytetarë të cilët kanë bizneset e tyre aty.
Liridon Bajqinca thotë se nga kundërmimi i kanalizimit po hasin vështirësi edhe në zhvillimin e biznesit nga ankesat e klientëve.
“E kemi bërë një ankes për kanalizim është qe katër vjet, era i vjen shumë, knej ka kalimtarë të rastit që vin po edhe fëmijët shkojnë këndej për në shkollë prej mbikalimit. Kemi qenë në komunë thuajse për mbi dhjetë herë e komuna nuk ka ndërmarrë asgjë”, thotë Bajqinca.
E një qytetar tjetër i cili poashtu posedon një biznes në atë zonë, më të arsyeshme po e sheh të mos dalë fare jashtë lokalit nga kundërmimi.
“Shqetësuese është shumë se këtu kalon i madh e i vogël, komuna nuk merr masa e as ministria, as kjo qeveri. U ardhë puna deri qitu, nuk ka mbetë asgjë tjetër veq me vendos naj kerr në rrugë e me blloku komunikacionin krejt deri të ndërmarrin diqka. Na i kemi bizneset këtu, lokalet, po nuk dilet jashtë veç me i mshel hunt”, bën të ditur qytetari tjetër, Enis Berisha.
Sipas tyre me dhjetëra herë ata u janë drejtuar komunës së Fushë Kosovës, mirëpo thonë se nuk hasën në ndonjë zgjidhje.
Televizioni ka tentuar për dy ditë radhazi të marrë një përgjigjje nga Ministria e Infrastrukturës, mirëpo të njëjtit nuk kanë qenë të qasshëm deri në publikimin e kësaj kronike.
