Kryetari i Prishtinës, Përparim Rama ka dënuar sulmin ndaj Izraelit.
Ai tha se terrorizimi nuk është përgjigje për mosmarrëveshjet.
“Unë dënoj fuqishëm sulmin kundër qytetarëve të Izraelit sot. Ngushëllimet e mia më të thella për familjet e viktimave. As terrorizmi dhe as ndonjë formë e dhunës nuk janë përgjigje për mosmarrëveshjet”, është shprehur ai.
Grupi militant Hamas ka lëshuar mijëra raketa në Izrael mëngjesin e 7 tetorit, duke nxitur autoritetet që të lëshojnë alarme për sulme ajrore në mbarë vendin, përfshirë në Jerusalem dhe Tel Aviv.
Izraeli u kundërpërgjigj duke kryer sulme ajrore ndaj caqeve në Rripin e Gazës.
Luftëtarët e Hamasit po ashtu kanë kaluar kufirin e fortifikuar dhe kanë hyrë në Izrael, duke u përleshur me forcat e mbrojtjes së Izraelit.
