Presidentja e Kosovës, Vjosa Osmani, e ka falënderuar Spanjën për siç ka shkruar ajo, mikpritjen gjatë Samitit të Komunitetit Politik në Granadë, raporton teve1.info
Osmani përmes një postimi në Facebook, ka shkruar se është mirënjohëse ndaj Mbretit VI dhe Mbretëreshës Letizia, kryeministrit Sanchez dhe zonjës Gomez Fernandez për pritjen.
“Falënderoj Spanjën për mikpritjen dhe organizimin e suksesshëm të Samitit të Komunitetit Politik Evropian në Granadë, duke bashkuar liderët evropianë në frymën e barazisë, si parim themelor i kësaj platforme.
Mirënjohës Mbretit Felipe VI dhe Mbretëreshës Letizia, Kryeministrit Sanchez dhe zonjës Gómez Fernández për pritjen e ngrohtë në Alhambrën madhështore”, ka shkruar Osmani.
Presidentja e Kosovës, Vjosa osmani, ka qëndruar këtë javë në Spanjë ku ka marrë pjesë në Samitin e Komunitetit Politik Evropian, në kaudër të të cilit kishte edhe takime me liderë të ndryshëm botëror.
