Ministri i Shëndetësisë, Arben Vitia, ka njoftuar se me buxhetin e Shërbimit Spitalor dhe Klinik Universitar të Kosovës (ShSKUK), janë siguruar 100 implante të gjirit dhe mbi 50 ekspander.
Përmes një postimi në Facebook, Vitia ka bërë të ditur se çka është siguruar në sistemin publik në QKUK.
“Me buxhetin e SHSKUK siguruam: Mbi 100 implante të gjirit. Mbi 50 ekspander. Kemi siguruar në sistemin tonë publik, në QKUK: Rikonstruktimin e gjirit për pacientet që ia janë nënshtruar operacionit të heqjes së gjirit. Realizimin e kësaj procedure pa pagesë. (nga 3-5 mijë euro që kushton në sektorin privat). 25 gra e kryen me sukses rikonstruktimin deri më tani. Çdo investim shpëton jetë dhe mbron dinjitetin e pacienteve tona. Do vijojmë me investime që lehtësojnë diagnostikimin, trajtimin dhe rehabilitimin”, ka shkruar Vitia në Facebook./teve1.info/.
